Ons maak staat op julle as ouers om ons te help met dissipline.
’n Goed opgevoede kind wat ’n sterk fondament en karakter het, sal die regte besluite en keuses maak in moeilike situasies.
Nasorg
LEER EN ONTWIKKELINGS NASORGSENTRUM
Doel van nasorg
Dit is 'n plek waar kinders gelukkig kan wees in 'n huislike omgewing.
Dit is 'n plek waar kinders in 'n liefdevolle, dog gedissiplineerde omgewing kan leer, speel en verhoudings kan vestig.
Dit is 'n plek waar kinders veilig kan voel.
Dit is 'n plek waar ouers gemoedsrus kan hê.
Struktuur van nasorg
'n Vaste daaglikse roetine word gevolg.
Leerders rapporteer by die nasorg en word op die registers gemerk.
Leerders eet middagete, daarna volg hulle die daaglikse roetine en meld hulle aan vir huiswerk.
Na huiswerk is dit speeltyd.
Algemene Reëls
Leerders moet by nasorg aanmeld vir die registrasie.
Leerders moet mekaar respek betoon en te alle tye eerlik wees.
Afknouery, terg en klipgooi is onaanvaarbaar.
Geen speel en eet in badkamers nie.
Alle sakke moet te alle tye netjies gehou word.
Leerders moet die reëls en opdragte nakom.
Speelgoed is slegs op Vrydae aanvaarbaar.
Nasorg-spyskaart
Aantekeninge aan ouers
Leerders moet asseblief streng voor of om 18:00 afgehaal word.
Nasorgpersoneel moet in kennis gestel word wanneer leerders deur iemand anders afgehaal word of wanneer leerders nie nasorg gaan bywoon nie.
Huiswerk moet nagegaan en hersien word. Dit is steeds die ouers se verantwoordelikheid.
Leerders is verantwoordelik vir hul eie skryfbehoeftes.
Normale gemaklike klere moet verpak en duidelik gemerk wees.
Indien enige inligting verander (kontaknommers, ens.), Stel ons asseblief so gou as moontlik in kennis.
Kontak die nasorg
Kommunikasie vind persoonlik, telefonies of per e-pos plaas. Indien jy enige vrae of onsekerheid het, kontak gerus die Nasorg, Kampus 1 – (0)21 982 8507 of
Campus 2 – (0)21 906 1969, info@destinatus.co.za
Huiswerk
Grondslagfase
Huiswerk word onder toesig van 'n onderwyser gedoen. In hierdie fase word huiswerk baie deeglik gedoen.
Elke leerder ontvang 'n huiswerkblad wat deur die onderwysers goedgekeur word volgens die huiswerkbeleid. Dit is steeds die ouers se verantwoordelikheid om huiswerk te hersien.
Die grondslagfase-groep is baie groot, daarom moet u tuis lees.
Graad 3 - Graad 7
Huiswerk word onder toesig van 'n onderwyser gedoen. Dit is die leerder se eie verantwoordelikheid om die huiswerk van die dag te voltooi.
Vakansiesorg
Vakansiesorg is beskikbaar gedurende skoolvakansies teen 'n addisionele koste per dag.
Ons is elke skoolvakansie oop, maar nie op openbare vakansiedae.
'n Vakansieprogram sal aangebied word indien ten minste tien leerders dit bywoon.